Алматыда Есентай өзенінде су тасыды

Алматыда Есентай өзенінде су тасқыны жүрді. Коммуналдық қызмет қазір оқиғаның салдарын жойды, деп хабарлайды әкімдік баспасөзіне сілтеме жасаған KAZ.NUR.KZ.

Кеше Алматыда ауа температурасы 0 градусқа дейін жылыды. Ауа райының өзгерісі Оспанов көшесінің төменгі бөлігінде орналасқан Есентай өзені арнасының бойында қар мен қатқан мұздың еруіне ықпал етті. Нәтижесінде секундына 20 текше метрге дейінгі максималды ағынмен жергілікті мұзды су тасқыны болып, су деңгейі 1,5 метрге көтерілді.

Әкімдік мәліметінше, қазір су тасқыны тоқтаған.

"Жиналған судың болжамды көлемі шамамен 15 мың текше метр суды құрайды. Есентай тұндырғышы судың үлкен массасын ұстауға арналған, тұндырғыштың астында су құбырлар арқылы кедергісіз және тасқынсыз ағып жатыр", - деп хабарлады қала әкімдігі.

Қазіргі уақытта жағдай тұрақты, зардап шеккендер жоқ. Оқиғаның салдарын жоюға 20 бірлік арнайы техника мен 60-қа жуық адам жұмылдырылды.