"2 айлық сәби мен 3 бала бар": Алға қаласында көпқабатты үйден шыққан өрттен 14 адам құтқарылды (фото, видео)

21 желтоқсанда Алға қаласында көпқабатты үйдің үшінші қабатында орналасқан пәтер өртенген. Құтқарушылар 14 адамды өрттен құтқарды, деп хабарлайды төтенше жағдайлар министрлігінің Telegram арнасына сілтеме жасаған KAZ.NUR.KZ.

Өрт сөндіруге жеке құрамның 9 адамы мен 2 бірлік техника жіберілген.

"Құтқарушылар Азамат Наушин, Ерболат Сырымов, Асланбек Тельманов және Айбек Дүйсенбаев үш иінді сатының көмегімен өрттен 2 айлық бала мен 3 баланы құтқарды", - деп мәлім етті төтенше жағдайлар министрлігінің баспасөз қызметі.

Сонымен қатар 14 адамның арасында мүмкіндігі шектеулі жан мен жүкті әйел де болған.

Ал пәтерден шыққан өрт бір сағаттан аз уақыт ішінде жойылды.