Атырауда жұмыртқа бағасы күрт өсті
Опубликовано:
Атырауда жұмыртқа қымбаттады. Қазір өңірде бір жұмыртқа 68 теңгеден сатылып жатыр, деп хабарлайды QazaqstanTV.
Телеарна мәліметінше, жұмыртқа бір аптаның ішінде 10 теңгеге қымбаттаған. Жергілікті билік өкілдерінің айтуынша, бағаның өсуіне тауардың өзіндік құны жоғарылауы себеп болған.
Жалпы өңірге жұмыртқаның 90 пайызы басқа аймақтардан әкелінеді. Ал аймақтағы жалғыз құс фабрикасының жұмысы соңғы уақытта тұралаған. Зауыт әзірге бір ғана қуаттылықпен жұмыс істеп тұр.
Келер жылдан бастап қуаттылықты 4 есеге өсіріп, өңірдегі тұтыну қажеттілігінің тең жартысын жаппақ.
"Қазіргі уақытта біздің әлеуметтік маңызы бар азық-түлік өніміне с1 жұмыртқасы жатады. Ол қазір арнайы 36 нүктеде 61 теңгеден сатып алынып жатыр. Біздің шекті баға 62 теңге", - деді Атырау қаласы кәсіпкерлік және ауыл шаруашылығы бөлім басшысының орынбасары Алтынай Ерубаева.
Мақаланың түпнұсқасы: https://kaz.nur.kz/society/2052208-atyrauda-zumyrtqa-bagasy-kurt-osti/
