ТЖМ Жаңа жыл қарсаңында қазақстандықтарға үндеу жасады

ТЖМ Жаңа жыл қарсаңында қазақстандықтарға үндеу жасап, пиротехниканы сатып алғанда, жарамдылық мерзімі мен орамасын тексеруді ескертті. Бұл туралы KAZ.NUR.KZ ведомстоның Telegram-дағы ресми арнасына сілтеме жасап хабарлайды.

ТЖМ өкілдері пиротехниканы тек мамандандырылған дүкендерден сатып алуға кеңес берді. Сондай-ақ ведомстводағылар оны үйде көп мөлшерде сақтауға тыйым салынатынын еске салды.

Пиротехниканы пайдалану кезінде тыйым салынады:

• пиротехниканы жабық үй-жайларда, пәтерлерде пайдалануға, балкондар мен лоджиялардан іске қосуға;
• ылғал пиротехникалық бұйымдарды жылыту құрылғыларында және ашық оттың жанында кептіруге;
• өнімдерді қолда ұстап тұрып іске қосуға және олар жанып біткен соң 5 минуттан ерте жақындауға;
• тұтану кезінде фитильді бетке жақын ұстауға;
• қатты желде қолдануға;
• отшашуды адамдарға, жануарларға, көліктерге бағыттауға.

"Пиротехниканы ересектер іске қосуы керек. Ешбір жағдайда балаларға сеніп тапсырмаңыз", - деп ескертті ведомство өкілдері.