Қазақстан мен Қырғызстан шекарасында 500-ге жуық көлік кептеліп қалды
Опубликовано:
Мемлекеттік шекараның қырғыз-қазақ учаскесінде 468 жеңіл және жүк көлігі кептеліп қалды, деп хабарлайды KAZ.NUR.KZ тілшісі Қырғызстан МҰҚК Шекара қызметіне сілтеме жасап.
Қырғызстан МҰҚК Шекара қызметінің Telegram-арнасындағы хабарына қарағанда, мемлекеттік шекараның қырғыз-қазақ учаскесіндегі "Ақ-Тілек - Автодорожный" өткізу пунктінің алдында 468 жеңіл және жүк көлігі жиналып қалған.
"Көліктердің жиналып қалуы Қазақстанның Жамбыл облысындағы ауа райының уақытша жақсаруына байланысты Қырғызстаннан Қазақстанға және басқа елдерге жүк ағынының күрт артуымен байланысты", - делінген хабарламада.
Қырғыз-Қазақ шекарасы арқылы өтетін барлық өткізу пункті штаттық режимде жұмыс істеп жатқаны айтылады.
Мақаланың түпнұсқасы: https://kaz.nur.kz/society/2052240-qazaqstan-men-qyrgyzstan-sekarasynda-500-ge-zuyq-kolik-keptelip-qaldy/
