"Негізгі импорттаушы – Қытай": биыл Қазақстанда отшашуға сұраныс артқан

2022 жылмен салыстырғанда биыл елге 71,8 тоннаға көп пиротехникалық заттар импортталған. Мемлекеттік кірістер комитеті ресми сайтында елімізге тұрмыстық пиротехникалық заттардың импорты туралы қызықты статистиканы бөлісті, деп хабарлайды KAZ.NUR.KZ.

"Қаңтар-қараша айлары аралығында елімізге жалпы салмағы 231,1 тонна болатын, құны 663,9 мың АҚШ долларын құрайтын отшашу импортталған. Олар: петардалар, фонтандар, отшашу батареялары, бенгаль оттары, түрлі-түсті түтіндер, жер үсті отшашулары және басқа да тұрмыстық пиротехникалық заттар", - делінген комитет хабарламасында.

Комитет мәліметінше, негізгі импорттаушы ел – Қытай болса, Германиядан, Ұлыбританиядан және АҚШ-тан отшашу аз мөлшерде әкелінген.

2022 жылмен салыстырғанда биыл елге 71,8 тоннаға көп (құны 215,0 мың АҚШ долларына тең) пиротехникалық заттар импортталған.

Былтыр қаңтар-қараша айларында Қазақстанға жалпы салмағы 159,4 тонна, құны 448,9 мың АҚШ доллары болатын отшашу жеткізілген.