Көкшетауда қалаға кіріп кеткен елік құтқарылды
Опубликовано:
Көкшетау қаласында түнгі уақытта мектеп қоршауына қысылып қалған елікті құтқарушылар босатты. Бұл туралы KAZ.NUR.KZ тілшісі ҚР ТЖМ Telegram-арнасына сілтеме жасап хабарлайды.
Оқиға 27 желтоқсанда түнгі уақытта болған. Қаланың орта мектептерінің бірінің қоршауында елік қысылып, шыға алмай қалған.
Жануарды құтқаруға жедел-құтқару жасағының қызметкерлері келген.
"Құтқарушылар гидравликалық құралдың көмегімен қоршаудың металл элементтерін босатып, жануарды аман алып қалған. Елік еркіндікке жіберілді", - делінген ТЖМ хабарында.
Мақаланың түпнұсқасы: https://kaz.nur.kz/society/2053106-koksetauda-qalaga-kirip-ketken-elik-qutqaryldy-video/