Елімізде бүгіннен бастап полицейлер күшейтілген режимде жұміс істеп жатыр (видео)

Жаңа жылдық мереке қарсаңында полиция күшейтілген жұмыс режиміне ауысты. Сонымен қатар жеке құрамға еліміздің барлық өңірінде гарнизондық сап түзеу өткізу тапсырылды, деп хабарлайды Polisia.kz.

Ішкі істер министрі Ержан Саденов жедел кеңесте қоғамдық тәртіпті сақтау және азаматтардың тыныштығын қамтамасыз ету бойынша қызметкерлерге бірқатар міндет жүктеді

"Бүгіннен бастап ерекше бұйрыққа дейін біз қызмет көрсетудің күшейтілген нұсқасына көшеміз. Құқықтық тәртіп мен азаматтардың қауіпсіздігін қамтамасыз етуді, жаяу нарядтардың санын көбейтуді, шыршалардың сақталуына жауаптыларды анықтауды, құқық бұзушылықтардың жолын кесуді, мүлдем төзбеушілік пен жазаның бұлтартпастығы қағидатын қамтамасыз етуді тапсырамын. Заңдылық пен тәртіптің сақталуына ерекше назар аудару қажет. Халық пен қоғамның талабы – кәсіби білікті және адал полиция. Біз осы талапқа сай болуымыз керек, – деп атап өтті Ержан Саденов.

Сонымен қатар кеңесте жеке құрамға еліміздің барлық өңірлерінде гарнизондық сап түзеу өткізу тапсырылды.