Ақтөбе облысында жолаушылар автобусы аударылып қалды: адамдар эвакуацияланды
Жарияланған күні:
Ақтөбе облысы Әйтеке би ауданындағы "Қарабұтақ-Қостанай" автожолында жолаушылар автобусы аударылып қалып, Өзбекстан азаматтары эвакуацияланды, деп хабарлайды ТЖМ Telegram-дағы ресми арнасында.
Ведомство мәліметінше, 29 желтоқсанда сағат 18:50-де Әйтеке би ауданы, "Қарабұтақ-Қостанай" автожолында жолаушылар автобусы аударылып қалғаны бойынша ақпарат келіп түсті.
"Оқиға орнында зардап шеккендер жоқ. Жолаушылар "Екатеринбург-Шымкент" бағыты бойынша жолға шыққан", - делінген хабарламада.
Құтқарушылар, ЖАО, полиция бөлімі қызметкерлері оқиға орнынан мешітке 32 Өзбекстан азаматын эвакуациялады.
"Ауа-райының өзгеруін қадағалап, автожолдарда автокөлік қозғалысына шектеулер енгізу кезінде жолға шықпаңыздар", - деп ескертті ТЖМ өкілдері.
Мақаланың түпнұсқасы: https://kaz.nur.kz/society/2053413-aqtqbe-oblysynda-zolausylar-avtobusy-audarylyp-qaldy-adamdar-evakuaciyalandy/
