БҚО-да төтенше жағдайлар саласының мамандарына жаңа техникалар табысталды
Опубликовано:
![Нариман Төреғалиев көлік кілтін табыстауда Нариман Төреғалиев көлік кілтін табыстауда](https://cdn.nur.kz/images/1120x630/d4fd773e82dbaa9e.jpeg)
Батыс Қазақстан облысының әкімі Нариман Төреғалиевтың қатысуымен төтенше жағдайлар департаментіне жаңа техникалардың кілті мен құрал-жабдықтар табыс етілді.
Сала қызметкерлерінің шұғыл әрекет ету, сондай-ақ, авариялық-құтқару жұмыстарының тиімділігін арттыру мақсатында департаменттің бөлімшелері мен облыстық коммуналдық қызметке жергілікті бюджеттен 46 бірлік өрт сөндіру, авариялық-құтқару, қосалқы техника және 908 дана құрал-жабдық сатып алынды.
![ТДЖ көліктері ТДЖ көліктері](https://cdn.nur.kz/images/1120/71898b3507703873.jpeg)
"Мемлекет басшысы өз Жолдауында азаматтық қорғау органдарын материалдық-техникалық жарақтандыруға және олардың әлеуметтік мәртебесін арттырудың маңыздылығын атап өтті. Бұл мәселелер біздің тарапымыздан жергілікті атқарушы орган ретінде де назардан тыс қалмайды. Сатып алынған техникалар мен құрал-жабдықтар төтенше жағдайлардың алдын алу және жою бағытындағы жұмыстардың тиімділігін арттырып, оң нәтижесін беретініне сенемін!
Осы сәтті пайдалана отырып, Жаңа 2024 жылмен шын жүректен құттықтаймын! Қандай жағдай болмасын, бар күш-жігерін салып құтқару жұмыстарын жүргізіп жүрген құтқарушылардың жұмысына табыс, жанұяларына амандық және зор денсаулық тілеймін. Ауыр еңбектеріңіз сіздер құтқарған адамдардың алғыстарымен бағаланып, тәуелсіз Қазақстанымыздың гүлденуіне әрі қарай үлестеріңізді қоса берулеріңізге тілектеспін!" - деп атап өтті облыс әкімі Нариман Төреғалиев.
![ТЖД-ға берілген көліктер ТЖД-ға берілген көліктер](https://cdn.nur.kz/images/1120/8022ad389a39aa00.jpeg)
![ТЖД мамандарына көлік берілді ТЖД мамандарына көлік берілді](https://cdn.nur.kz/images/1120/b2311e940ec02d32.jpeg)
![ТЖД мамандарына көлік берілді ТЖД мамандарына көлік берілді](https://cdn.nur.kz/images/1120/f6cc97d7a1046165.jpeg)
![ТЖД көліктері ТЖД көліктері](https://cdn.nur.kz/images/1120/fc51cb02be9df3f1.jpeg)
![ТЖД мамандары ТЖД мамандары](https://cdn.nur.kz/images/1120/a4332db00f3af3bd.jpeg)
Мақаланың түпнұсқасы: https://kaz.nur.kz/society/2053489-bqo-da-totense-zagdailar-salasynyn-mamandaryna-zana-texnikalar-tabystaldy/