Түркістан облысында полицейлер жүргізушілерге сый-сияпат ұсынды

Түркістан облысының полицейлері 2024 жылдың алғашқы рейдін ерекше бастады, деп хабарлайды өңірдің полиция департаментіне сілтеме жасаған KAZ.NUR.KZ.

Түркістан облысы аумағында 2024 жылғы 1 қаңтарда тас жолдарды тұман басқандықтан патрульдік полицейлер ерекше рейд жүргізді.

Полицейлер әйел жүргізушілерге және қарт жолаушылар мен көліктегі балаларға сый-сияпат ұсынып, жол ережесін сақтауға шақырды. Бұған қоса автокөлікті мұқият жүргізуді, жылдамдықты асырмауды ескертті.

Айта кетейік, Түркістан облысының полицейлері мерекеге байланысты қаңтардың ортасына дейін күшейтілген күн тәртібінде қызмет етеді.