ҰҚК өкілдері интернетте терроризмді насихаттады деген қарағандылықты ұстады

Қарағандыда әлеуметтік желілер арқылы терроризмді насихаттады деген күдікпен ер адам ұсталды. Оны ұстау шарасын ҰҚК прокуратура органдарының үйлестіруімен өткізген, деп хабарлайды ҰҚК ресми сайтында.

Ұстау шарасы 2024 жылғы 3 қаңтарда өткен. Ер адам жұмыс орнында және әлеуметтік желілер арқылы терроризмді насихаттады деген күдікке ілінген.

"Тергеу әрекеттері барысында заттай дәлелдемелер алынды. Қылмыстық кодекстің 256-бабының 2-бөлігі бойынша сотқа дейінгі тергеп-тексеру амалдары жүргізіліп жатыр", - делінген ҰҚК хабарында.

Ведомстводағылар Қылмыстық-процестік кодекс 201-бабының 1-бөлігіне сәйкес өзге ақпарат жария етілмейтінін ескертті.

Еске салайық, 29 желтоқсанда Ұлттық қауіпсіздік комитеті прокуратура органдарының үйлестіруімен және полицияның қолғабыс етуімен Абай облысының тұрғыны ұсталған еді.