Қазақстанның 2 облысында республикалық жолдарда көлік қозғалысы шектелді

Ауа райы қолайсыздығына байланысты 2 облыста республикалық маңызы бар автожолдардың 2 учаскесінде көлік қозғалысына шектеу енгізілді, деп хабарлайды "ҚазАвтоЖолдың" баспасөз қызметі.

Ақмола облысында - 1 учаске

1. "Щучинск-Зеренді" 0-77 км, Щучинск қаласынан - Зеренді ауылына дейінгі аралығына - 77 км.

Жетісу облысында - 1 учаске

1. "Үшарал-Достық" 84-184 км, Көктұма бекетінен Достық бекетіне дейін – 100 км.;

Шектеу автокөліктің барлық түріне қолданылады.

Қазір республикалық маңызы бар күре жолдарда 302 бірлік техника және 441 адам жұмылдырылды.