"30 градус аяз": алдағы үш күнде ел аумағында қар жауып, боран соғады деп күтіледі

Алдағы үш күнде елімізде боран тұрып, қалың қар жауады. Сонымен қатар аяздың қысқа мерзімді күшеюі күтіледі. Бұл туралы "Қазгидрометке" сілтеме жасаған KAZ.NUR.KZ хабарлайды.

"Қазгидромет" РМК баспасөз қызметінің мәліметінше, Қара теңіз аудандарынан шығып, Қазақстанның батысынан шығысына қарай жылжып келе жатқан циклон қарлы боран мен жауын-шашын әкеледі.

Оның артынан скандинавиялық антициклон жылжиды, бұл аяздың қысқа мерзімді күшеюіне ықпал етеді.

"Республика бойынша қатты жел күтіледі. Елдің батысында, солтүстік-батысында, солтүстігінде және орталығында аяз болады, онда термометр бағаны түнде -20...-30 градусқа дейін, ал шығыста -18...-23 градусқа дейін төмендейді", - деп хабарлады "Қазгидромет" мамандары.

Мәтіннен қате тапсаңыз, бізге жазыңыз