Ақтөбе облысында туыстары іздеу салған 13 жастағы бала досының үйінен табылды
Жарияланған күні:
Ақтөбеде туыстары іздестірген 13 жастағы жасөспірім аман-есен табылды. Оқушыны полиция жасөспірімдерді бейімдеу орталығына уақытша орналастырды, деп жазады KAZ.NUR.KZ тілшісі.
Ақтөбелік полицейлер бір тәулік бойы үйіне келмей, із-түзсіз жоғалып кеткен бүлдіршінді іздеп тапты. Оқушы үйіне барудан бас тартқандықтан, жасөпірімдерді бейімдеу орталығына уақытша орналастырылды. Полицейлерге белгілі болғаны - жасөспірім 9 қаңтарда әкесімен ренжісіп үйден шығып кеткен.
"13 жастағы жасөспірім 10 қаңтарда кешкі уақытта досының үйіне табылды. Қаладағы жасөспірімдерді бейімдеу орталығына орналастырылды. Бала әкесімен ренжіскен. Қазір жасөспірімге қатысты сұрақтар шешіліп жатыр", - деді Ақтөбе облыстық ПД-нің ресми өкілі.
Еске сала кетейік, бұдан бұрын екі күннен бері із-түзсіз жоғалып кеткен жеткіншек іздестіріліп жатқаны туралы хабарланған болатын. Ол 9 қаңтарда үйінен шығып кеткен.
Автор: Ардақ Ерубаева
Мақаланың түпнұсқасы: https://kaz.nur.kz/society/2054974-aqtobe-oblysynda-tuystary-izdeu-salgan-13-zastagy-bala-dosynyn-uiinen-tabyldy/
