Ақтөбе облысында із-түзсіз жоғалып кеткен 13 жастағы жеткіншек іздестіріліп жатыр (фото)

Ақтөбе облысында екі күннен бері із-түзсіз жоғалып кеткен 13 жастағы жасөспірім іздестіріліп жатыр. Ол 9 қаңтарда үйінен шығып, қайтып оралмаған, деп хабарлайды KAZ.NUR.KZ облыстық полиция департаментінің Instagram-дағы ресми парақшасына сілтеме жасап.

Ақтөбелік полицейлер хабар-ошарсыз кеткен 2011 жылы туған Назенов Әділ Қайратұлын іздестіріп жатыр.

"9 қаңтарда кәмелетке толмаған бала үйден кетіп оралмаған.

Киімі: хаки түсті куртка, қара шалбар, ақ түсті жейде, адидас маркалы қара кроссовка, бас киімсіз", - делінген хабарламада.

Облыстық ПД өкілдері тұрғындардан іздестіріліп жатқан жасөспірім туралы қандай да бір ақпарат болса 102 немесе 8771 785 10 58 телефондарына қоңырау шалуды сұрайды.