Астанада кейбір сынып оқушылары қашықтан оқуға көшті

Сәрсенбіде, 17 қаңтарда Астана мектептерінің 0-9-сынып оқушылары қашықтан оқиды. Бұл туралы елорданың білім басқармасы мәлім етті, деп хабарлайды KAZ.NUR.KZ

Елорданың білім басқармасының ресми Instagram-парақшасында хабарланғандай, 2024 жылғы 17 қаңтарда ауа райының нашарлауына байланысты бірінші ауысымның 0-9-сынып оқушылары қашықтықтан оқыту форматына көшеді.

Айта кетейік, кеше елордада оқушылар мен колледж студенттері қашықтан оқыту форматына көшірілген. Дүйсенбіде аязға байланысты мектеп оқушылары да онлайн режимінде оқыды.

Gismeteo порталының деректеріне сәйкес, қазір Астанада 26 градус аяз байқалады, күн ішінде температура -16 градусқа дейін көтеріледі. Қалада жауын-шашын болмайды, желдің жылдамдығы - 2 м/с.

Мәтіннен қате тапсаңыз, бізге жазыңыз