Қарағанды облысында полиция бастығы телефонмен сөйлескеннен кейін жұмыстан шығарылды
Опубликовано:
Қарағанды облысы прокуроры мемлекеттік және құқық қорғау органдарының заңсыз араласқан Приозерск қаласының бірқатар полицейлерін жауапкершілікке тартқан. Бұл туралы KAZ.NUR.KZ облыстық прокуратураға сілтеме жасап хабарлады.
Приозерск қаласының прокуроры әлеуметтік желілерді мониторингтеу барысында қалалық полиция бөлімі бастығының мейрамхана әкімшісіне бақылаушы-қадағалаушы органдардың тексерулерімен қорқытып, Жаңа жыл қарсаңында жұмыс істеуге тыйым салынатыны туралы телефон арқылы сөйлесуінің бейнежазбасын анықтады.
Тексеру нәтижесінде Қазақстан Республикасы Конституциясының кәсіпкерлік қызметпен айналысу еркіндігіне кепілдік берілетіні туралы 26-бабының талаптарын бұзу фактісі анықталды.
Аталған факті бойынша Қарағанды облысының прокуратурасы қадағалау актісін енгізді.
Нәтижесінде Тәртіптік комиссия Приозерск қаласы полиция бөлімінің бастығын атқаратын қызметінен босату туралы шешім қабылдады. Қазіргі уақытта тиісті материалдар ІІМ-ге жолданды.
Сонымен қатар аталған Полиция бөлімінің 5 лауазымды тұлғасы қатаң тәртіптік жауапкершілікке тартылды.
Мақаланың түпнұсқасы: https://kaz.nur.kz/society/2056470-qaragandy-oblysynda-policiya-bastygy-telefonmen-soileskennen-keiin-zumystan-sygaryldy/
