Ескі мешіттің "сүрілетіні" шымкенттіктердің наразылығын тудырды

Қошқар ата мешітінің аумағындағы жапсарлас салынған үй-жайдың бұзылып жатқаны түсірілген бейнежазба шымкенттіктерді алаңдатып қойды. Сәулет және қала құрылысы басқармасы бұл жайтқа пікір білдірді, деп хабарлайды Otyrar.kz.

Әлеуметтік желіде Шымкенттегі көне Қошқар ата мешіті маңындағы құрылыстың бұзылып жатқаны түсірілген видео тарады. Бұл ерекше құнды кесене саналады. Ол XIX ғасырдың ортасында салынған. Мешітті салуға Ферғананың ең таңдаулы шеберлері шақырылған.

Қалалық сәулет және қала құрылысы басқармасы бұл жағдайға түсініктеме берді. Басқарма өкілдері мешіт бұзылмайтынын айтты. Тек жапсарлас салынған үй-жай бұзылады.

"Мешітті бұзу туралы сұраққа келсек, мешіт сүруге жатпайды..Мешіт аумағындағы шатыры бар құрылысты бұзу жұмыстары басшылықтың берген өтінішіне сәйкес жүргізіліп жатыр", - деп түсіндірді ведомство өкілдері.

Мәтіннен қате тапсаңыз, бізге жазыңыз