Таразда құдықтан ер адамның денесі табылды

Таразда ер адамның денесі тұрғын үйлердің бірінің маңындағы құдықтан табылды. Полицейлер марқұмның жеке басын анықтап жатыр, деп хабарлайды KAZ.NUR.KZ облыстық полиция департаментіне сілтеме жасап.

Instagram желісіндегі "Тараз в объективе" парақшасында бір күн бұрын қоғамдық тәртіп сақшыларының марқұмның денесін құдықтан алып шыққаны түсірілген куәгердің видеосы жарияланды.

Автор бұл кадрлар қаланың 10-шағынауданында түсірілгенін жазған.

Бұл факт бойынша Жамбыл облыстық полиция департаменті учаскелік полиция инспекторы құдық ішінен ер адамның денесін тапқанын хабарлады.

"Зорлық-зомбылық белгілері жоқ. Марқұм шамамен 50-60 жаста. Қазір ер адамның жеке басы анықталып жатыр", - деді полиция департаменті өкілдері.