ҰҚК Қазақстанның үш өңірінде діни радикалдардың жолын кесті (видео)

2024 жылғы 20 және 24 қаңтарда прокуратура және полиция органдарының көмегімен ҰҚК Астана, Шымкент қалаларында және Ақтөбе облысында діни радикалдар әрекеттерінің жолын кесу бойынша операциялар өткізді, деп хабарлйды құзырлы орган ресми сайтында.

"Жедел қызметкерлер терроризмді насихаттады және қаржыландырды деген күдікпен үш адамды ұстап, қамауға алды", - делінген хабарламада.

Қылмыстық кодекстің 256-бабы 2-бөлігі және 258-бабы 1-бөлігі бойынша сотқа дейінгі тергеп-тексеру басталды. Қазіргі уақытта осы істердің барлық мән-жайын анықтау үшін жедел және тергеу іс-шаралары жүргізіліп жатыр.

Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды.