Желіде жарияланған видеодан кейін астаналық полицейлер қызметінен босатылды

Әлеуметтік желіде Астанадағы тұрғын үйлердің бірінің бейнебақылау камерасына жазылған видео жарияланды. Автор үш тәртіп сақшысыгың мас болғанын айтады. Жағдайға қатысты полиция департаментінің бастығы пікір білдірді, деп жазады KAZ.NUR.KZ тілшісі.

Видео Egov.press Telegram арнасында жарияланды. Кадрлардан үш полицейдің лифтке кіргенін, біреуінің қолында бөтелке бар екенін көруге болады. Жазбада тәртіп сақшыларының мас күйде болғаны айтылады.

Жағдайға қатысты Астана полиция департаментінің бастығы Марат Төлебаев өзінің Facebook парақшасында пікір білдірді.

"Әлеуметтік желілер мен телеграм каналдарында таратылған елорда ПД қызметкерлеріне қатысты бейнеге орай мынаны хабарлаймын: елордалық полиция департаменті қызметтік тергеу жүргізді, оның нәтижесінде қызметкерлер атқаратын лауазымдарынан босатылды", - деп жазды ол.