Әлемге әйгілі бүркітші қыз Айшолпанның отбасы Қазақстанға көшіп келді

Әлемге әйгілі бүркітші, отандасымыз Айшолпанның отбасы елге көшіп келді. Бұл туралы бүркітші Kazinform тілшісіне ұялы телефон арқылы берген сұхбатында айтты.

Оның айтуынша, өзі Қазақстанда, бір аптадай уақыт бұрын ата-анасы мен бауырлары елге көшіп келген.

"Өзім Алматыдағы С.Демирел атындағы университетте қазақ тілі мен әдебиеті мамандығы бойынша 4 курста оқып жатырмын. Қазір мамандығым бойынша жұмыс қарастырып жатырмын", - деді Айшолпан.

Сондай-ақ отандасымыз бүркіт өнерін тастамағанын айтты.

"Оқу мен бүркітпен айналысуды қатар алып жүрмін. Аптасына бір рет айналысамын. Жарыстарға қатысып жүрген жоқпын, тек қонақ ретінде барамын. себебі оқудан қол тимейді»", - дейді бүркітші қыз.