"Таксилетуге мәжбүр": Қорғаныс министрлігі Қазақстандағы әскерилердің жалақысына қатысты сынға жауап берді

Мәжіліс кулуарында қорғаныс вице-министрі Сұлтан Камалетдинов депутаттардың "әскерилер жалақының аздығынан таксилетуге мәжбүр" деген сынына жауап берді. Бұл туралы KAZ.NUR.KZ тілшісі хабарлайды.

Депутат Константин Авершин бүгінде атқыштардың негізгі жалақысы 98 мың теңге екенін айтты.

"Әскери қызметшілер отбасын асырау үшін таксилетуге мәжбүр. Әріптестерім негізінен жағдай қиындау екеніне келіседі және жағдайды қалай өзгертуге болатыны жөнінде нақты жауап естіген жоқпын", - деді мәжілісмен.

Кейін журналистер қорғаныс вице-министрі Сұлтан Камалетдиновтен "Бұл үкімет пен ведомство үшін ұят жағдай ма?" деп сұрады.

"Мен бұл туралы ештеңе айта алмаймын, өйткені Қорғаныс министрлігі үкімет пен заңдар белгілеген қаражат аясында бөледі. (…) Айта кету керек, ұят жағдай ретінде бұл шынымен проблема, бұл тек министрлікке, үкіметке ғана қатысты емес, бұл біздің жалпыұлттық мәселеміз, оны бірлесіп шешуіміз керек", - деді Сұлтан Камалетдинов.

Айта кетейік, бүгін мәжілісте қорғаныс вице-министрі заттай мүлікті сатып алуға қаражат жеткіліксіз бөлінгенін айтып, әскери қызметшіні киім-кешекпен толық қамтамасыз ету үшін 62,7 млрд теңге қаражат бөлуді сұрағанын жазған едік.