Төтенше жағдайлар министрлігі Бурабай мен Қызылордадағы жер сілкінісі туралы ақпаратты жоққа шығарды

Earthquake қосымшасында Ақмола облысы мен Қызылордадағы жер сілкінісі туралы ақпарат тарады. Төтенше жағдайлар министрлігінің баспасөз қызметі бұл ақпаратты жоққа шығарды, деп хабарлайды KAZ.NUR.KZ.

Бүгін, 4 ақпанда сағат 13:57-де Earthquake қосымшасында Ақмола облысында, Бурабай мемлекеттік ұлттық табиғи саябағының маңында болған жер сілкінісі туралы ақпарат жарияланды.

Хабарламада айтылғандай, жер сілкінісінің күші 5 балл болған.

Төтенше жағдайлар министрлігінің баспасөз қызметі бұл ақпаратты жоққа шығарды.

"Сағат 13:57-де Earthquake қосымшасында Ақмола облысында, Бурабай саябағының жанында болған жер сілкінісі туралы ақпарат тарады. Қазақстан Республикасы төтенше жағдайлар министрлігінің сейсмикалық бақылау және зерттеулер ұлттық ғылыми орталығы жер сілкінісін жоққа шығарды", - делінген хабарламада.

Сонымен қатар қосымшада бүгін сағат 16:59-да Қызылорда қаласында магнитудасы 5,6 болатын жер сілкінісі болғаны жайлы мәлімет пайда болды.

Алайда "Сейсмологиялық бақылау және зерттеулер ұлттық ғылыми орталығы" бұл жер сілкінісі туралы ақпаратты да растамады.