Алматыда заңсыз салынған атақты дөнерхана сүрілді
Опубликовано:
![Сүріліп жатқан фастфуд желісі Сүріліп жатқан фастфуд желісі](https://cdn.nur.kz/images/1120x630/b05d8bd37e7811e5.jpeg)
Алматыда заңсыз реконструкциядан өтіп салынған фастфуд желісі сүрілді. Бұл туралы KAZ.NUR.KZ хабарлайды.
Қала құрылысын бақылау басқармасының ақпараты бойынша, Достық даңғылы, 40/1 бойында орналасқан Degirmen кафесіндегі реконструкциядан өткен құрылыс бұзыла басталды. Сот шешімімен аталған нысан заңсыз деп танылды. Фастфуд желісі рұқсат құжаттарынсыз реконструкциядан өтіп, салынған.
![Сүріліп жатқан фастфуд желісі Сүріліп жатқан фастфуд желісі](https://cdn.nur.kz/images/1120/2915c1cc186479ef.jpeg)
Былтыр 19 маусымда басқарма заң бұзушылық деректері бойынша Әкімшілік құқық бұзушылық туралы кодекстің 319, 322-баптары 1-бөлігі бойынша "Ала кафе" ЖШС қатысты шаралар қабылдаған.
2023 жылдың 20 шілдесінде әкімшілік құқық бұзушылық жөніндегі мамандандырылған ауданаралық сот қосымшаны заңсыз деп тапты, алайда жауапкер апелляциялық шағым түсірді.
![Сүріліп жатқан фастфуд желісі Сүріліп жатқан фастфуд желісі](https://cdn.nur.kz/images/1120/ae25572342c40c34.jpeg)
Алматы қалалық сотының 2023 жылғы 14 желтоқсандағы қаулысымен бірінші сатыдағы шешім өзгеріссіз қалды.
Бүгін сот шешімін орындау мақсатында аталған нысанды бұзу жұмыстары басталды.
Мақаланың түпнұсқасы: https://kaz.nur.kz/society/2059684-almatyda-zansyz-salyngan-ataqty-donerxana-surildi/