Досаев 2024 жылы Көктөбеде қандай өзгерістер болатынын айтты

Алматыда "Көктөбе" телемұнарасын сәулеттік-көркемдік жарықтандыруды безендіру бойынша дайындық жұмыстарын аяқтау жоспарланып отыр. Бұл туралы қала әкімдігіне сілтеме жасаған KAZ.NUR.KZ хабарлайды.

"Терреңқұрдағы демалуға қолайлы әрі тартымды аймақ құру іргелес аумақтарды абаттандыру арқылы жоспарланып отыр", - деді Ерболат Досаев Медеу ауданының тұрғындарымен кездесуде.

Ол жобалау-сметалық құжаттама осы жылдың I тоқсанында аяқталатынын атап өтті.

"Жобада заманауи амфитеатр мен жаяу жүргіншілер көпірін салу, тоғанды абаттандыру, балалар мен спорт алаңдарын орнату көзделген", - деді Алматы әкімі.

Бұдан бөлек, әкімдік өкілдерінің хабарлауынша, жазда "Алатау" шағын ауданындағы скейтпарктің құрылысы аяқталады. Тұрғындардың өтініші бойынша басталған құрылыс наурыз айының соңына дейін бітеді.

Ал осы жылдың маусым айында қаланың көрікті нышандарының бірі – Көктөбе телемұнарасын сәулеттік-көркемдік жарықтандыруды безендіру бойынша дайындық жұмыстарын аяқтау жоспарланып отыр.

Сондай-ақ әкім "Самал-1" шағын ауданындағы "Журналистер" скверін реконструкциялау жұмысы және Оспанов көшесіндегі жаяу жүргіншілер аймағының құрылысы аяқталатыны атап өтті.