Алматыдағы аудандардың бірінің тұрғындары жарықсыз қалды

Бүгін Алматының Алмалы ауданында апатты жағдайда электр қуаты үзілді. Бұл туралы "Алатау Жарық Компаниясы" АҚ баспасөз қызметіне сілтеме жасаған KAZ.NUR.KZ хабарлайды.

Компанияның баспасөз қызметінің хабарлауынша, бүгін, 9 ақпанда сағат 12:20-да Алмалы ауданында Гоголь – Амангелді – Абай – Байтұрсынов көшелерінің алаңында апатты жағдайда электр қуаты үзілді.

Апаттың себебі анықталып, оқиға орнында экипаж жұмыс істеп жатыр. Екі сағаттың ішінде тұрғындарға электр жарығы қосылады деп күтілуде.