Қызылордада жасөспірім жұмбақ жағдайда өлі табылды

Қызылорданың Бескөл ауылында жасөспірім өлі табылды, деп хабарлайды Қызылорда облысының полиция департаментіне сілтеме жасаған KAZ.NUR.KZ.

Қызылорда облысының полиция департаментінің Instagram-парақшасындағы хабарға қарағанда, баланың денесі бір күн бұрын, 12 ақпанда табылған.

"Кәмелетке толмаған жасөспірімнің мәйіті Қызылорда қаласындағы Белкөл ауылындағы медицина мекемесіне жеткізілді. Аталған факт бойынша тергеу басталып, тиісті сараптамалар тағайындалды. Оқиғаның мән-жайы анықталуда. Басқа да ақпарат тергеу мүддесі үшін жарияланбайды", - деді облыстық полиция департаменті бастығының орынбасары Амангелді Досжанов.

Бұған дейін Талдықорғанда жұмбақ жағдайда жоғалып кеткен қыздың денесі табылғанын жазған болатынбыз. Талдықорғанда 14 жасар қыздың жоғалғаны туралы ақпарат 2023 жылдың 28 желтоқсанында түскені хабарланды. Жасөспірімнің қараша айының басынан бері сабаққа қатыспағаны белгілі болды. Жедел іздестіру шараларына кіріскен полицейлер жоғалған қыз қылмыстың құрбаны болуы мүмкін деген болжам айтты. Аталған факт бойынша ҚР Қылмыстық кодексінің 99-бабы (Адам өлтіру) бойынша қылмыстық іс қозғалды.

Сондай-ақ өткен жылдың желтоқсан айында Түркістан облысында полиция, құтқарушылар мен еріктілер екі күн бойы іздеген ұл баланың мәйіті табылған болатын. Баланың денесінде зорлық-зомбылықпен өлім белгілері анықталған жоқ.

Биыл қаңтар айының соңында Құлсары қаласында болған топтық төбелестің салдарынан 2006 жылы туған жасөспірім қайтыс болды. Екі күдікті қамауға алынды.