Мектепке қастандық жасау туралы ақпарат Қостанайда да тарады

Әлеуметтік желілерде мектептердің бірінде белгісіз адамдар қылмыс дайындап жатқаны туралы жалған ақпарат тарады. Бұл туралы Қостанай облысының полиция департаментіне сілтеме жасаған KAZ.NUR.KZ хабарлайды.

Әлеуметтік желілерде мектептердің бірінде белгісіз адамдар қылмыс дайындап жатқаны туралы жалған ақпарат тарады. Аталған факт бойынша полиция департаменті қылмыстық іс қозғады.

Қазіргі кезде жарияланым авторын анықтау бойынша тиісті іс-шаралар жүргізіліп жатыр.

Еске салайық, бұған едйін осындай жалған хабарлама таратқаны үшін кеше, 13 ақпанда Қарағандыда кәмелетке толмаған бала ұсталғанын жазған едік.

"Азаматтардан арандатуға еріп кетпей, хабарламаның қайта жолдауына жол берілмеуін және тек ресми ақпаратқа сенуін сұраймыз. Жалған ақпарат таратқаны үшін қылмыстық жауапкершілік қарастырылған", - деп ескертті полицейлер.