"Студенттерді тонаған": Орал қаласында қылмыстық топ ұсталды

Қаладағы сауда орталықтарының қызметкерлері мен оқу орындарының студенттерін тонап, ақша бопсалады деген күдікке ілінген қылмыстық топ ұсталды. Бұл туралы полиция департаментіне сілтеме жасаған KAZ.NUR.KZ хабарлайды.

Қылмыстық топ қаладағы сауда орталықтарының қызметкерлері мен оқу орындарының студенттерін тонап, ақша бопсалады деген күдікке ілінген.

Жоғарыда аталған фактілер бойынша қылмыстық істер қозғалды. Уақытша ұстау изоляторына 4 күдікті қамауға алынды. Алаяқтық әрекеттерге барғандардың барлығы да колледж студенттері болып шыққан.

Қылмыстық топқа қатысы бар басқа да тұлғаларды анықтап, ұстау бағытында жедел-іздестіру іс-шаралары жүргізілуде.

"Егер ұсталған тұлғалардан зардап шеккен болсаңыздар, дереу полиция қызметіне хабарласыңыздар", - дейді полицейлер.