ХҚКО-да қазақстандықтарға төлқұжат беру тоқтап қалды: ІІМ себебін түсіндірді

Интернетте Қазақстандағы ХҚКО төлқұжат беруді тоқтатқаны туралы ақпарат пайда болды. Ішкі істер министрлігі мұның себебін түсіндірді, деп хабарлайды KAZ.NUR.KZ .

Ішкі істер министрлігі хабарлағандай, қызмет көрсетуші тарапынан байланыс арналарында қысқа мерзімді ақаулар пайда болған.

"Ішкі істер министрлігінің көші-қон қызметі комитеті төлқұжаттарды беру қызметтерін өңдеу процесі қалпына келтірілді деп хабарлайды. Бұл мәселе КҚМ бақылауында" - деді ведомстводан.

Еске сала кетейік, бұған дейін АЕК өсімі мен заңды күшіне енген өзгерістерге байланысты құжат рәсімдеу қымбаттағанын жазған болатынбыз. Мәселен, Қазақстан азаматының 36 беттік үлгідегі төлқұжаты үшін алынатын мемлекеттік баж көп жылдан бері 8 АЕК-ті құрайды. 2024 жылы бұл сома 29 536 теңгені құрайды.