49 млн теңге залал келтірген: Қарағанды тұрғыны киберқылмыс жасады деген күдікпен тергеліп жатыр

Ұлттық қауіпсіздік комитеті мемлекеттік электрондық қызмет көрсету саласында киберқылмыс жасады деген күдікпен Қарағанды тұрғынын ұсталғанын, қазір сотқа дейінгі тегеп-тексеру жүргізіліп жатқанын мәлімдеді. Бұл туралы ведомство сайтына сілтеме жасаған KAZ.NUR.KZ хабарлайды.

"2024 жылғы 30 қаңтарда Ұлттық қауіпсіздік комитеті прокуратура органдарының үйлестіруімен мемлекеттік электрондық қызмет көрсету саласында киберқылмыс жасауда күдікті Қарағанды тұрғынын ұстады", - делінген ведомствоның хабарында.

Тінту кезінде 24 ұялы телефон, 4 жүйелі блок, 4 флеш-карта, 9 ноутбук, планшет алынған.

"Алдын ала бағалауға сәйкес, залалдың сомасы 49 млн теңгеден астам", - дейді ведомство өкілдері.

Қазіргі уақытта Қылмыстық кодекстің 207-бабы 3-бөлігі 2-тармағында (Ақпараттық жүйенің немесе телекоммуникациялар желісінің жұмысын бұзу) қарастырылған қылмыстық құқықбұзушылық белгілері бойынша сотқа дейінгі тергеп-тексеру жүргізіліп жатыр.

Мәтіннен қате тапсаңыз, бізге жазыңыз