Көкшетауда ХҚКО бұрынғы қызметкері жалған төлем құжаттарымен шетелден келген көліктерді тіркеген

Көкшетау қалалық ХҚКО-ның бұрынғы қызметкері жалған төлем құжаттары шетелден келген көліктерді жаппай тіркеуді ұйымдастырған. Бұл туралы ҚМА Telegram-дағы ресми арнасында мәлім етті.

Агенттік мәліметінше, "Азаматтарға арналған үкіметтің" Көкшетау қалалық ХҚКО-ның бұрынғы қызметкері екі азаматпен алдын ала сөз байласып, жалған төлем құжаттарымен алымдарды төлемей шетелден келген көліктерді жаппай тіркеуді ұйымдастырған.

Бұл істі ҚМА Ақмола облысы бойынша департаменті тергеді.

Жалған төлем құжаттары арқылы 68 көліктің заңсыз тіркелгені анықталды.

Көліктердің бастапқы тіркеу алымы төленбеген соң мемлекетке келтірілген шығын шамамен 449 млн теңгені құрады.

Құзырлы орган Қылмыстық-процестік кодекстің 201-бабына сәйкес өзге де ақпарат таратуға жатпайтынын мәлімдеді.