Маңғыстаудағы жаппай улану: зардап шеккендер саны артты

Маңғыстау облысындағы "Бейнеу" дәмханасында уланғандар саны 36 адамға жетті. Олардың 28-і ауруханаға жатқызылғаны белгілі. Бұл туралы жергілікті Lada.kz басылымына сілтеме жасаған KAZ.NUR.KZ хабарлайды.

19 ақпаннан бері Бейнеу ауданының орталық аудандық ауруханасына улану белгілерімен 36 адам түсіп, оның 28-і ауруханаға жатқызылды, деп хабарлайды облыстық денсаулық сақтау басқармасының өкілдері.

Дәрігерлер ауруханаға жатқызылған науқастардың жағдайы орташа ауыр деп бағалап отыр.

Тағы сегіз адам амбулаторлық емдеуде.

Жаппай улану дерегі бойынша тергеу басталды.

Зардап шеккендердің барлығы бір мекемеден тамаққа тапсырыс бергені белгілі болды. Оның қызметі 22 ақпаннан бастап тоқтатылды. Адамдар уланған дәмхана фастфуд сатумен айналысқан.

"Науқастарды облыс орталығына жеткізу қажет емес, себебі тиісті көрсеткіштер жоқ. Телемедицина арқылы облыстың бас инфекционистінің қатысуымен консилиумдар өтті, емдеу тағайындалды. Бейнеу аудандық көп бейінді ауруханасы бар. Дәрі-дәрмекпен жеткілікті қамтамасыз етілді және тағы 20 жұқпалы аурулар төсек-орнын ұсынуға дайын. Амбулаторлық ем алып жатқан науқастар қажетті бактерияға қарсы және симптоматикалық ем тағайындайтын дәрігерлердің бақылауында. Эпидемияға қарсы іс-шаралар жалғасуда, ақпарат сағат сайын жаңартылып отырады", - деп хабарлады департамент өкілдері.

Айта кетейік, бұған дейін зардап шеккендер саны 20-ға жеткені хабарланған.

Мәтіннен қате тапсаңыз, бізге жазыңыз