Павлодарда 15 жыл бойы полициядан жасырынған тұрғын ұсталды

15 жылдан бері іздеуде жүрген қылмыскер ұсталды. Бұл туралы Polisia.kz-ке сілтемен жасаған KAZ.NUR.KZ хабарлайды.

2009 жылы Павлодар полициясына жұбайы жоғалып кеткені туралы айтып ер адам хабарласқан. Оның айтуынша, ол досына кетіп, оралмаған. Жоғалған адамды іздестіру басталды, Қазақстан мен көрші мемлекеттің өңірлері бағдарланды, ол жақта жоғалған адам жайлы хабар тараған. Бір жылдан кейін көлден жоғалған әйелдің денесі табылған.

Полиция хабарына қарағанда, геномдық сараптама жоғалған павлодарлықтың жеке басын растап, тергеу барысында кісі өлтіру фактісі бойынша қылмыстық іс қозғалған.

Осы жылдар ішінде іс бойынша түрлі іс-шаралар өткізілді, бірақ қылмысты ашу мүмкін болмапты.

Тергеу басшылықтың ерекше бақылауында болған. Биыл жедел-іздестіру іс-шараларының нәтижесінде Павлодар облысының полициясы күдіктінің ізіне түсті. Ер адам жанжалдасқанда оны тұншықтырып өлтіргені анықталды, содан кейін ол денесін суға батырған.

"Оның ұзақ уақыт бойы аса ауыр қылмыс жасағаны үшін бас бостандығынан айыру орындарында болғаны анықталды. Ал 2022 жылы шартты түрде мерзімінен бұрын босатылды. Оны Астанада ұстады. Қазіргі уақытта қылмыстық іс қайта жанданды. Тергеу жалғасып жатыр", - деді Павлодар облысы ПД криминалдық полиция бастығы Балғабай Қапаров.