Қыстың соңғы күндері Қазақстанда ауа райы қандай болады

"Қазгидромет" РМК 2024 жылғы 27-29 ақпанға арналған ауа райы болжамын ұсынды. Бұл туралы KAZ.NUR.KZ тілшісі хабарлайды.

"Атмосфералық фронттар солтүстік, шығыс және орталық аймақтарға әсер етеді, қар түрінде жауын-шашын түседі, кейбір аудандарда жел күшейеді", - делінген "Қазгидрометтің" хабарламасында.

Сондай-ақ синоптиктердің болжауынша, еліміздің оңтүстік және оңтүстік-шығыс бөлігінің таулы аймақтарында атмосфералық фронттардың өтуімен жауын-шашын, көктайғақ болып, тұман түседі.

Ал еліміздің батысына жоғары қысым аймағы әсер етеді, жауын-шашынсыз, желсіз ауа райы сақталады, күндізгі температура 0...+5 градусқа дейін көтеріледі.