Тараздық үш баланың анасы төбелескені үшін айыппұл арқалады

Тараздық үш баланың анасы бөтен әйелді соққыға жыққаны үшін кінәлі деп танылды. Жәбірленуші моральдық шығынды өтеу туралы талап-арызбен сотқа жүгінді, деп хабарлайды Жамбыл облыстық сотына сілтеме жасаған KAZ.NUR.KZ.

Соттың ресми сайтында хабарланғандай, Тараз әкімшілік құқықбұзушылық жөніндегі мамандандырылған сотының 2023 жылғы 22 қарашадағы қаулысымен әйел ӘҚБтК-нің 73-2-бабының 1-бөлігі бойынша кінәлі деп танылып, 24 150 теңге көлемінде айыппұл түрінде әкімшілік жазаға тартылды.

Үкімге шағым жасалмаған және заңды күшіне енген.

"2023 жылдың қараша айының ортасында Тараз қаласында жауапкер талапкерді қасақана ұрып-соққан, бірақ денсаулыққа жеңіл зиян келмеген", - деп хабарлады сот.

Талап-арызында жәбірленуші соттан құқық бұзушыдан 800 мың теңге моральдық шығын өндіруді сұрады.

"Жауапкер талап-арызды мойындамай, кәмелетке толмаған үш бала тәрбиелеп отырғанын, мүгедек баласына күтім жасауына және күйеуінің жұмыс істемейтіндігіне байланысты талапты қанағаттандырмауды сұрады", - деп атап өтті сот.

Сот анықтағандай, талапкердің жауапкерге моральдық зиянды өтеу туралы талаптары негізді.

"Сот өтемақы мөлшерін айқындай отырып, ұсынылған моральдық зиян сомасын тым жоғары деп есептейді және талап қоюшының пайдасына 50 мың теңге мөлшерінде моральдық зиянды өтеуді әділ, жеткілікті және ақылға қонымды деп есептейді" , - деп мәлімдеді сотта.

Сот шешімімен талап ішінара қанағаттандырылды, жауапкер талапкердің пайдасына 50 мың теңге моральдық шығынды төлеуге міндеттелді. Шешім әлі заңды күшіне енген жоқ.