Qnet қаржы пирамидасын құру дерегімен қазақстандыққа халықаралық іздеу жарияланды

Қызылорда облысындағы ЭТД қазақстандық Алмас Жұбанаевты Qnet қаржылық пирамидасын құрды және басқарды деген күдікпен іздеп жатыр. Бұл туралы KAZ.NUR.KZ ҚР АФМ-ге сілтеме жасап хабарлайды.

Қаржы мониторингі агенттігінің ресми Telegram-арнасындағы мәліметке сәйкес, Қызылорда облысы бойынша Экономикалық тергеп-тексеру департаменті 2019-2022 жылдары Қызылорда қаласы мен Қызылорда облысының аумағында Қазақстан Республикасының 1990 жылы туған азаматы Жұбанаев Алмас Оразалыұлына іздеу жариялаған. Оның ісі Qnet қаржы пирамидасын құру және басқару фактісі бойынша тергеліп жатыр.

Бұлтартпау шарасы – қамауда ұстау, іздеу түрі – халықаралық.

Жұбанаев Алмас Оразалыұлы заңсыз қызметін жүзеге асыру барысында Instagram әлеуметтік желісін пайдалану арқылы Алматы, Шымкент және Қызылорда қалаларынан адамдарды тартып, тренингтер және үгіт-насихат жұмыстарын жүргізген.

Жәбірленушілердің жалпы саны 59 адам, келтірілген залал сомасы 63 373 356 теңгені құрайды", - деді ведомстводан.

ҚМА іздеуде жүрген адамның жүрген жері туралы ақпаратты білетіндерді мына телефондар арқылы хабарлауды сұрайды: 8-775-125-55-54, 8-701-527-10-45. Call-center: 1458.

Qnet қаржы пирамидасы

2020 жылы адамдарға зергерлік бұйымдарды сатуды ұсынған Qnet желілік маркетинг компаниясына қарсы ондаған қылмыстық іс қозғалғаны белгілі болды. Ішкі істер министрлігі компанияның бас кеңсесі Малайзияда орналасқанын хабарлады.

2022 жылдың сәуір айының соңында Ақмола облысындағы Qnet құрылымдық бөлімшесінің басшыларына қатысты сотқа дейінгі тергеу басталды. Мамыр айында 220-дан астам қазақстандық бұл компаниядан материалдық шығын келтіргені хабарланған болатын.

"Qnet" компаниясына қатысты Алматы қаласы ҚР Қылмыстық кодексінің 217-бабы "Қаржылық (инвестициялық) пирамиданы құру және басқару" бойынша қылмыстық іс қозғалды.

Наурызда ҚМА Астанада Qnet қаржылық пирамидасын құруға күдіктінің ұсталғанын хабарлады. Бірнеше күннен кейін оқиғаға қатысы бар тағы бір адамның ұсталғаны туралы ақпарат пайда болды.