Жамбыл облысында борышкер пойызда жасырынуға тырысқан

Жамбыл облысында полицейлер мемлекетке 2,3 миллион теңгеден астам қарызы бар ер адамды ұстады. Борышкер пойызда жасырынуға тырысқан, деп хабарлайды Жамбыл облысының полиция департаментіне сілтеме жасаған KAZ.NUR.KZ.

Ведомствоның баспасөз қызметінің мәліметінше, Жамбыл облысы бойынша көші-қон қызметіне жеке сот орындаушысынан борышкерге іздеу жарияланғаны туралы хабарлама түскен.

"Ол Тараз қаласының 38 жастағы тұрғыны, ұзақ уақыт бойы мемлекет алдындағы 2,3 млн теңгеден астам қарызды өтеуден жалтарып жүрген", - делінген хабарламада.

Оның тұрақтаған жерін іздеу нәтиже бермегендіктен олар полициядан көмек сұраған.

"Көші-қон қызметкерлері жедел-іздестіру іс-шаралар кешенін өткізді. Тіркелген мекенжайда ер адам жоқ, үлкен қарызды төлеуден әдейі жалтарып, телефон қоңырауларына жауап бермеген. Полиция сатып алынған пойыз билеті бойынша борышкерді тауып, сот орындаушысына тапсырған. Қазіргі уақытта ер адам қарыздың барлық сомасын төледі", - деп хабарлады облыстық полициядан.

Жамбыл облысының полиция департаменті атқарушылық құжатты орындаудан жалтарғаны үшін заңмен әкімшілік және қылмыстық жауапкершілік көзделгенін еске салды.