Талдықорғанда әйелді ұрып-соққан адамның видеосы тарады

Желіде ер адамның әйелді ұрып-соғып жатқан видеосы тарап кетті. Бұл оқиға туралы облыстық полиция департаментінің баспасөз қызметінің өкілдері түсініктеме берді, деп хабарлайды KAZ.NUR.KZ.

Telegram-дағы Egov.press арнасында жарияланған кадрларда ер адам интернет-дүкеннен тауарларды беру пунктіне ұқсас бөлмеге кіретінін байқауға болады. Әйел есікті ашады, содан кейін ол оны итеріп, айғайлай бастайды. Ұрып, тепкілейді.

Видео авторының айтуынша, бұл адам Алматы қаласының сот сараптамасы институтының сарапшысына ұқсайды. Видеооликке Жетісу облысының полициясы түсініктеме берді.

"Бұзақылық фактісі бойынша полиция қылмыстық іс қозғады. Оқиға 9 қаңтарда Талдықорған интернет-дүкендерінің бірінде болғаны анықталды. Тергеу жалғасып жатыр. Тергеу мүддесі үшін өзге де ақпарат жария етілмейді", - деп хабарлады ведомство өкілдері.