Алматы мен Шымкентте бүгін күн жылы, ал Астанада 20 градус аяз болады

Синоптиктер Астана, Алматы мен Шымкентте 12 наурызда ауа райы қандай болатынын болжады. Ауа райы болжамын OpenWeather порталы жария етті, деп хабарлайды KAZ.NUR.KZ.

Бүгін Алматыда жаңбыр жауады. Күндіз ауа температурасы 12 градусқа дейін көтеріліп, түнде 0 градусқа дейін түседі. Желдің жылдамдығы 3,1 м/с болмақ.

Астанада синоптиктердің болжамынша, күн ала бұлтты болады. Күндіз ауа температурасы -7 градусқа дейін жетіп, түнде -20 градусқа дейін төмендейді. Желдің жылдамдығы – 2,3 м/с болады.

Шымкентте бүгін қар жауады деп күтіледі. Күндіз термометр бағаны 11 градусқа дейін жетіп, түнде 2 градусқа дейін түседі. Желдің жылдамдығы 6,2 м/с деңгейінде болмақ.