Қазақстанда студенттердің шәкіртақысын өсіру ұсынылды: қашан және қанша

Қазақстандық студенттердің шәкіртақы мөлшерін ұлғайтуды көздейтін Үкімет қаулысына түзетулер жобасы жария талқылауға шығарылды. Бұл туралы "Ашық НҚА" сайтына сілтеме жасаған KAZ.NUR.KZ хабарлайды.

"Ашық НҚА" порталында шәкіртақы мөлшерін ұлғайтуды көздейтін Үкімет қаулысына түзетулер жобасы жарияланды. Жобада 2024 жылғы 1 қыркүйектен бастап шәкіртақыны ұлғайту көзделеді.

Құжатқа сәйкес, студенттердің келесі санаттары үшін шәкіртақы мөлшерін өзгерту жоспарланған:

• Бакалавриат – 41 898 теңгеден 47 135 теңгеге дейін, үздік оқушыларға – 54 205 теңге;
• Педагогикалық мамандықтардың студенттеріне – 67 200 теңгеден 75 600 теңгеге дейін, үздік оқушыларға – 86 940 теңге;
• Магистранттарға – 97 024 теңгеден 107 061 теңгеге дейін, үздік студенттерге – 123 120 теңге;
• Докторанттарға – 217 500 теңгеден 240 000 теңгеге дейін.