Алматы облысында бір үйде 300 шетелдік азамат тіркелген

Алматы облысының прокуратурасы 12 мыңнан астам шетелдікті тіркеген 278 үйді анықтады. Бұл туралы облыстық прокуратураға сілтеме жасаған KAZ.NUR.KZ хабарлайды.

Қадағалаушы органның ресми сайтында жарияланған мәлімет бойынша, бұл үйлердің ішінде тұрғын үйлер де, жоқ мекенжайлар да кездескен.

"Мысалы Қарасай ауданының Батан ауылындағы үйлердің бірінде 300-ден астам шетелдік азамат тіркелген. Осы фактілер бойынша Қылмыстық кодекстің 394-бабы (заңсыз көші-қонды ұйымдастыру) бойынша қылмыстық іс қозғалды", - делінген прокуратура мәлімдемесінде.

Бұған қоса прокуратура мемлекеттік қазынаға үш мың заңсыз көшіп келуші жалпы 79 млн теңге салық төлемегені анықталғанын, олар бойынша өндіріп алу жұмыстары жүргізіліп жатқанын хабарлады.

"Сот шешімі бойынша елден шығарылуға жататын 29 заңсыз көшіп келуші және қылмыстық құқықбұзушылық жасаған 43 заңсыз көшіп келуші шығарылмаған.

Жалпы тексеру аясында Алматы облысының прокуратурасы көші-қон заңнамасын 600-ден астам құқықбұзушылықты анықтап, 17 көші-қон полиция қызметкері тәртіптік жауапкершілікке тартылды", - делінген хабарламада.

Қадағалаушы орган құқықбұзушылықтарды жою бойынша жұмыстар жүргізіліп жатқанын атап өтті.

Мәтіннен қате тапсаңыз, бізге жазыңыз