"Су тасқыны болуы мүмкін": ТЖД алматылықтарға ескерту жасады

Алматыда қардың қарқынды еруі салдарынан таулы аудандарда су деңгейі көтерілуі мүмкін. Бұл туралы қалалық Төтенше жағдайлар департаментінен хабарлады, деп жазады KAZ.NUR.KZ.

ТЖД ақпаратынша, орташа тәуліктік температураның жоғарылауына және қардың қарқынды еруіне байланысты 16-18 наурыз аралығында таулы өзендерде су деңгейінің көтерілуі күтілуде. Нәтижесінде Алматы қаласының аумағына іргелес тау бөктері мен аудандарда су тасқыны болуы мүмкін.

"Осыған байланысты Алматы қалалық ТЖД тұрғындарға жақын орналасқан арықтар мен каналдарды қоқыстан тазартуды ескертеді.

Сондай-ақ су қоймаларында мұз жамылғысының әлсіреуі туралы еске саламыз. Мұзға шықпаңыз, өміріңізді сақтаңыз!", - делінген хабарда.

Мәтіннен қате тапсаңыз, бізге жазыңыз