СҚО-да 2 оқушы зейнеткерді өртеніп жатқан үйден аман алып шықты

Солтүстік Қазақстан облысы, Шағалалы ауылында пәтер өртеніп, 68 жастағы азаматты мектеп оқушылары құтқарып қалды. Бұл жайлы төтенше жағдайлар министрлігінің Telegram-дағы арнасына сілтеме жасаған KAZ.NUR.KZ хабарлайды.

Министрлік мәліметіне сүйенсек, зейнеткерді құтқарған орта мектептің оқушылары 16 және 17 жаста.

"Шағалалы ауылында көппәтерлі тұрғын үйдің бір пәтерінде өрт болды. Өрт алаңы 1 шаршы метр. Өрт болған жерге өрт сөндірушілер келгенше, Чаглин орта мектебінің 16 және 17 жастағы екі оқушысы 68 жастағы азаматты құтқарды.

Өрт жылыту пешін пайдалану кезінде өрт қауіпсіздігі ережелерін бұзғандықтан шыққан", – деп хабарлады министрлік.

Мәтіннен қате тапсаңыз, бізге жазыңыз