Алматы тауларында жоғалған екі турист табылды

Алматы тауларында 19 жастағы екі жігіт адасып кетіп, көмек шақырған. Құтқарушылар оларды тауып алды, деп хабарлайды Төтенше жағдайлар министрлігі Telegram-дағы арнасында.

ТЖМ мәліметінше, жоғалғандарды іздеуге 4 қызметкер және 1 кинологиялық есеп Медеу ауданы Үлкен Алматы шатқалына аттанған.

19 жастағы екі жігіт ТЖД кезекшісіне олардың орналасқан жері туралы видео жіберген. Құтқарушылар оларды табуға бір сағаттан аз уақыт жұмсаған.

"Оқиға орнына келгеннен кейін құтқарушылар жас жігіттердің бірі аяғын көгерткенін анықтады. Құтқарушылар алғашқы медициналық көмек көрсетті. Сондай-ақ оқиға орнына жедел жәрдем қызметкерлері шақырылды", - делінген хабарда.

Осы ретте министрлік егер тауда адасып қалсаңыз, 112 нөміріне қоңырау шалу қажет екенін ескертті.