Наурыздың соңғы күндері елдің басым бөлігінде нөсер жаңбыр күтіледі

Синоптиктер наурыз айының соңы мен сәуірдің басында ауа райы қандай болатынын болжады, деп хабарлайды KAZ.NUR.KZ "Қазгидромет" РМК баспасөз қызметіне сілтеме жасап.

Синоптиктердің болжамынша, алдағы үш күнде Екатеринбургтің үстінде орналасқан кең циклон және онымен байланысты атмосфералық фронтальды бөлімдер Қазақстанның барлық аумағына өз әсерін тигізеді. Нәтижесінде негізінен жаңбыр түрінде жауын-шашын түседі.

30 наурызда Ақмола, Павлодар және Қарағанды облыстарында жаңбыр түрінде қатты жауын-шашын түседі. 31 наурызда Шығыс Қазақстан облысында нөсер жаңбыр жауады деп болжануда.

30 наурызда Түркістан және Жамбыл облыстарында, 30-31 наурызда Алматы және Жетісу облыстарында қатты жаңбыр жаууы мүмкін.

Елдің басым бөлігінде ауа температурасы түнде -3...-10 градусқа дейін төмендейді, күндіз +5...+13 градусқа дейін жоғарылайды деп күтілуде.

Оңтүстік және оңтүстік-шығыс аймақтарда түнгі ауа температурасы -6...+2 градусқа дейін құбылса, күндіз +5...+18 градусқа дейін көтеріледі.

Тек батыста ауа температурасы түнде +1...+6, күндіз +13...+18 градусқа дейін көтеріледі деп болжанады.