Қарағанды облысындағы тасжолда жүк көліктерін су ағызып әкетті (видео)

Оқиға куәгерлері Қарағанды ​​облысындағы тасжолда болған жағдайды видеоға түсіріп алған. Кадрлардан жүк көліктері мен арнайы көліктердің суға батқанын көруге болады. Оқиғаға қатысты полицейлер түсініктеме берді, деп хабарлайды KAZ.NUR.KZ.

news_agency_balkash Instagram-парақшасындағы жазбаға сәйкес, кадрлар Қарағанды – Шет – Балқаш тасжолында түсірілген. Видеодан су басқан тасжолдағы жүк көліктері мен арнайы көліктерді көруге болады. Олар суға батып жатыр. Ал тағы бір видеода жол бойымен келе жатқан "КамАЗ" көлігі суға құлайды.

Назар аударыңыз: видеода балағат сөздер бар!

Видеоларға Қарағанды ​​облысының полиция департаменті түсініктеме берді.

"Қазавтожолдың" жолды уақытша ашу туралы шешіміне сәйкес 30 наурызда түстен кейін 270 жүк көлігі Ақсу – Аюлы ауылы ауданына қарай колоннамен жіберілді. Алайда видеодағы жүк көлігінің жүргізушісі қауіпсіздік шараларын сақтамай жол жиегіне шығып кетіп, сол жерде тізгінге ие бола алмай, аударылып қалды.

Сондай-ақ жолға қиыршық тас сеуіп келе жатқан үш жүк көлігі де аударылып қалды. Зардап шеккендер жоқ. Жүргізушілер эвакуацияланды", - делінген хабарламада.