"20 градусқа дейін жылы, жауын-шашынсыз": елімізде алдағы күндері ауа райы қандай болады

4-6 сәуір аралығында Қазақстанның басым бөлігінде жауын-шашын тоқтап, 20 градусқа дейін жылы болады деп күтіледі. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Метеорологтардың мәліметінше, алдағы күндері Қазақстанның солтүстігінде, шығысында және орталығында жауын-шашын және ауа температурасының жоғарылауы күтіледі. Болжам бойынша, бұл аймақтарда, ауа температурасы күндіз +15...+20 градусқа дейін көтеріледі.

Қазақстанның басқа аумағында құбылмалы ауа райы сақталады. Атап айтқанда, жаңбыр жауып, жел күшейеді.

Түнде республиканың оңтүстік-шығысындағы таулы аймақтарда жаңбыр жауып, кейін арты қарға ұласады.

6 сәуірде республиканың оңтүстігі мен оңтүстік-шығысында қатты жаңбыр жауып, найзағай ойнап, бұршақ жауып, екпінді жел соғады.

Синоптиктер түнде және таңертең Қазақстан бойынша да тұман күтіледі деп болжады.

Бүгін Алматы, Астана және Шымкентте жауын-шашын күтілмейді.

Синоптиктердің болжамынша, сәуір айында Қазақстанда құбылмалы ауа райы сақталады. Жел күшейіп, кей күндері екпіні 23-28 м/с жетіп, найзағай ойнап, бұршақ жаууы мүмкін.

Мәтіннен қате тапсаңыз, бізге жазыңыз